سندوق گەشەپێدانی پرۆژەکان-دۆستی ژینگە ئەو کار و بزنسە تازەگەرانەی بەئامانجگرتووە کە جێگیر و بەردەوامن لە گەشەسەندن دا، ئەو کار و بزنسانەش بەشداری خۆگونجاندن لەگەڵ کەش و هەوا و گێڕانەوەی توانا لە عێراق دا دەکەن. ئەم سندوقە لەسەر ئەو ئەزموون و وانانە بنیاتنراوە کە لە سندوقی گەشەپێدانی پڕۆژە کشتوکاڵییەکان (EDF-A) وەرگیراون کە لەسەرەتای ٢٠٢١ دا دەستیپێکرد، وەک پڕۆژەی بچووکی ژێرخانی ئاودێری کە تا ئێستاش لە عێراق باو نییە و، لە سندوقی گەشەپێدانی پڕۆژەکانی ووزەی دووبارە بەکارهاتوو، کە توێژینەوەی تاقیکاری و بەرایی لە ساڵی ٢٠١٩ لە لایەن ڕێکخراوی نێودەوڵەتی کۆچ ئەنجامدرا و ئەو دەرفەتانەی دەستنیشانکرد کە دەکرێت هانبدرێن تا تەکنەلۆژیا ووزەی دووبارە بەکارهاتوویان تێدا بەکاربهێندرێن.

هەروەها سندوق گەشەپێدانی پرۆژەکان-دۆستی ژینگە (EDF-Green) لەگەڵ ئەو کۆمپانیایانەی کە تازە دادەمزرێن کاردەکات، ئەو کۆمپانیایانەشی کە تازە دامەزراون لەبەرئەوەی لە عێراق ئەو کۆمپانیایانە سەرمایەی پێویستیان بەردەست نییە. هەروەها هەر کات بشێت، لەگەڵ پڕۆگرامە هاوکاریپێدەرەکان، ڕێکخراوەکانی کۆمەڵگەی مەدەنی و ڕێکخراوەکانی گەشەپێدانی کەرتی تایبەت کاردەکات بۆ دابینکردنی پڕۆگرامی دیکەی وەبەرهێنان و پێدانی هاوکاری ماددی بە کار و بزنسەکان. ڕێکخراوی نێودەوڵەتی کۆچ دەتوانێت هەندێک لەو ئەزموون و وانانەی کە لە کارکردنی لەگەڵ ئەو کار و بزنسانەی تازە دادەمەزرێن وەریگرتووە لەسەر پڕۆگرامەکانی ئێستای بوارەکانی تەکنەلۆژیا، کار و بزنسی خاوەن ئافرەت، کار و بزنسی پیشەسازی تازەگەرانە و کلتووری دا جێبەجێبکات.

جۆرەکانی ئەو کار و بزنسانەی کە سندوق گەشەپێدانی پرۆژەکان-دۆستی ژینگە بە ئامانجیان دەگرێت دەکرێت ئەمانە بگرێتەوە (بەڵام هەر بەتەنیا تایبەت نییە بەمانەوە):

·        ئەو کۆمپانیایانەی کە لە بواری بەرهەمهێنانی ماددەی شیبۆووە و دووبارە لێ بەرهەمهێنراوە  دا کاردەکەن.

·        ئەو کۆمپانیایانەی کە لە ووزەی دووبارە بەکارهێنراو و باشتر بەکارهێنانی ووزەدا کاردەکەن، بە کۆمپانیا بەرهەمێنەرەکان و بەو کۆمپانیایانەشی کە کاری فرۆشتنی بە کۆمەڵی ئەو جۆرە ووزەیە دەکەن.

·        ئەو کۆمپانیایانە کە لە بواری پاراستنی هەمەجۆریەتی بایۆلۆژی کاردەکەن، ئەو کۆمپانیایانەی کە زەوی یان سەرچاوە سروشتییەکان بەکاردێنن.

·        بەرهەمهێنرانی کشتوکاڵی بەڕێگەی تەکنەلۆژیا

·        (دەوەستێتە سەر ئەگەر ڕەخساندنی هەلی کار) ئەو بەکارهێنەرانەی کە دەیانەوێت کارێکیان هەبێت کە تاڕاددەیەک دۆستی ژینگەیە.