ئەم سندوقی گەشەپێدانی پڕۆژەکانی ئافرەتان هاوکاری ماددی دەبەخشێتە ئەو کار و بزنسانەی کە لەلایەن ئافرەتانەوە خاوەنداریەتی دەکرێن یان کارمەند و ستافەکانیان ئافرەتن، ئەمەش بۆ زیاتر بەشداریپێکردنی ئافرەتان لە کەرتی تایبەت و بازاڕی کاردا. ئەم سندوقە دڵنیایی دەدات لەوەی کە ئافرەتانیش بەشێوەیەکی باش و مانادار پاڵپشتیدەکرێن لە ڕەوتی بوژانەوە و گەشەپێدانی ئابوری لە عێراق دا ئەمەش بە دابینکردنی دەرفەتەکانی خول و ڕاهێنانی سەرکار، ناردن و ڕاوانەکردن بۆ کار و ڕەخساندنی هەلی کار بۆ ئافرەتانی بەتایبەتی. هەروەها توانای ئافرەتان لە دەستگەیشتن بە سەرمای ئابوری زیاتر دەکات، کە ئەگەر وانەبێت، سەرمایە بۆیان بەردەست نییە. پاڵپشتیکردنی ئافرەتانیش لە هێزی کاردا هەر خۆی لە بەهێزکردنی ئابوری دا نابینێتەوە، بەڵکو کار بۆ زیاتر بەشداریپێکردنی ئافرەتان لە بڕیاردان و لە ڕۆڵ و بەرپرسیارەتی سەرکردایەتیکردنیش دەکات. دوو ئامانجە سەرەکییەکەی ئەم سندوقەش پاڵپشتیکردنی ئەو کار و بزنسانەی کە لەلایەن ئافرەتانەوە بەڕێوەدەبردرێن لەڕێگەی فراوانکردن و کارئاسانیکردنی دەستگەیشتن بە سەرمایەی داراییە و، پاڵپشتیکردنیانە لە هاتنە ناو هێزی کار بۆ ئەو ئافرەتانەی کە کارخوازن و لەوانەیە ڕووبەڕووی ئاستەنگ و بەربەستی کلتووری، ئابوری و کۆمەڵایەتی ببنەوە.

سەرەڕای ئەمانە، ئەم سندوقی گەشەپێدانی پڕۆژەکانی ئافرەتان پاڵپشتی ئەو کار و بزنسانە دەکات کە لەلایەن ئافرەتانەوە دادەنرێن یان لە قۆناغی سەرتای دانان دان ئەمەش بەهاوبەشی لەگەڵ لایەنی خۆجێی و ناوەندەکانی خول و ڕاهێنانی.

پێوەرە گشتییەکان:

·        دەبێت خاوەنکار بەلایەنی کەم توانای ماددی لە ١٥%ی ئەو کار و بزنسەی هەبێت کە پێشنیازی دانانی کردووە یان توانای ماددی لە ١٥%ی تێچووی فراوانکردنی کارەکەی هەبێت.

·        ڕێکخراوی نێودەوڵەتی کۆچ هانی ئەو کار و بزنسانە دەدات کە لەلایەن ئافرەتانەوە بەڕێوەدەبردرێن و لە کەرتێکی جیاواز و کارتێکی ناباوە تا داواکاری بۆ وەرگرتنی هاوکاری ماددی پێشکەش بکەن.

·        نابێت پلانی ئەنجامدانی و کار و بزنسەکە لە ١٢ مانگ زیاتر بخایەنێت.

·        دەبێـت کار و بزنسەکە هی هاوڵاتییەکی عێراقی بێت و لەلایەن عێراقیەکەوە بەڕێوە ببردرێت.

·        دەکرێت بڕی هاوکاری داواکراو لە نێوان ٥ هەزار بۆ ٣٥ هەزار دۆلاری ئەمریکی بێت.